新年開騷｜肥媽炒燶股蝕半億賣辦公室套現 義字行頭被搵笨：諗番都好肉赤

將於下月尾，農曆新年期間開騷的肥媽（Maria Cordero），最近自揭曾炒燶股票勁蝕5,000萬。日前她接受《晴報》訪問時重提此事，相當無奈，自認義字行頭卻信錯朋友，「而家諗番都好肉赤，我有義氣，點知畀朋友搵笨！」

同場加映：MC紅館騷望與亡父有連結 最怕體能唔夠搵「賦二代」幫手？

{{hket:ul-video id="7280"}}{{/hket:ul-video}}

{{hket:inline-image name="F1.jpg"}}{{/hket:inline-image}}

69歲的肥媽正密鑼緊鼓準備下月27、28日假紅館舉行《肥媽面對面演唱會》。近日為個唱宣傳時，披露在2016年完成告別演唱會後，卻因炒燶科技股慘蝕5,000萬，投資股票的股價由八元跌至八仙，最後更停牌，令她血本無歸，故要復工撲水。日前她接受本報訪問，對於當年被騙的慘況依然歷歷在目。自認義氣仔女的肥媽坦言︰「最衰自己信錯人，我個朋友話自己揸咗嗰隻股票嘅80%（股份），話輸咗會賠番畀我！」最後該名朋友申請破產，肥媽也不忍追討經濟上的損失。

肥媽自言料不到朋友「唔熟唔食」，表示︰「我有義氣，點知畀朋友搵笨！（跌得好痛？）梗係！咁大筆錢！我都好好彩唔係炒孖展，如果我炒孖展會死呀！當時股市暢旺，5,000幾萬咁就冇咗，而家諗番都仲好肉赤。」又指原本擁有過萬呎的辦公室，亦因股票失利而出售套現，同時幸好所有海外物業早已供完。經此一役，肥媽復出，積極工作，「當年一宣布退休，冇咗老公（過身）又冇埋啲錢，所以而家一得閒就做（工作）！」認為上天也不想她退休，又指雖然蝕了錢但還有健康，可以繼續工作及散播正能量。

{{hket:inline-image name="95392503_10156750182911673_9036845966581301248_n.jpg"}}{{/hket:inline-image}}

肥媽炒燶股慘蝕半億無有怕 世界各地都有物業：逐間分畀啲孫【下一頁】

撰文：梁紹明